CAGAYAN DE ORO CITY- Giawhag karon ni Population Commission o PopCom regional director Jeremias Gumit ang maghigugmaay nga dili kasado nga mohimo’g sakripisyo ning adlaw sa mga kasingkasing o Valentines Day.
Kini tungod kay dili masukod ang pagmahal sa duha ka binuhat pinaagi lamang sa paglambigit sa paghilawas sulod sa nagkadaiyang lodging house o motel ilabina sa syudad.
Gihimo ni Gumit ang pasidaan tungod sa nabatasan sa pipila ka magpares nga mohimo sa paghilawas diin ang uban dili pa mogamit sa proteksyon sama sa condoms.
Tumong niini nga makibhangan ang ihap sa mga kababayen-an nga anaa sa unwanted pregnacies diin sagad mahimong dakong suliran nga tubagon sa kagamhanan pag-abot sa panahon.
