Gidayeg ni Papa Leo ang taas nga tradisyon sa Estados Unidos sa pag-abli sa pultahan niini alang sa mga imigrante.
Pinaagi sa usa ka video appearance, gidasig niya ang mga Amerikano nga ipadayon ang mga tumong sa ‘Declaration of Independence’ dungan sa pagsaulog sa ika-250 nga anibersaryo sa nasod.
Matod sa Papa, ang ngalan nga ‘America’ nahimong ilhanan o simbolo sa kagawasan sa tibuok kalibotan tungod sa taas nga kasaysayan sa nasod sa pag-abiabi sa mga imigrante.
Hisayran nga issip unang Papa nga natawo sa Estados Unidos, nanghinaot siya nga magpabilin ang nasod sa orihinal nga prinsipyo sa mga nagtukod niini aron magmabungahon ang panaghiusa, hustisya, ug kalinaw.
