Posibleng molungtad pa hangtod Huwebes ang pre-trial proceedings sa impeachment trial ni Bise Presidente Sara Duterte tungod sa kadaghan sa mga dokumentong kinahanglan susihon ug markahan.
Gibutyag ni Atty. Michael Poa, tigpamaba sa kampo sa depensa sa Bise, anaa pa sila sa yugto sa pagmarka sa mga dokumento nga mahimong gamiton isip ebidensya sa paglilitis.
Namugos si Poa nga daghan pa mga dokumento nga kinahanglan ayohon mao nga gilauman nga magpadayon ang proseso hangtod Hunyo 25.
Apil sa mga dokumentong gi-review mao ang mga report gikan sa Commission on Audit (COA), mga acknowledgment receipt, Statement of Assets, Liabilities and Net Worth (SALN), ug uban pang record nga gipresenta na kaniadto sa House Committee on Justice.
Kadaghanan niini may kalabotan sa mga alegasyon sa Articles of Impeachment, lakip na ang giingong sayop nga paggamit sa confidential funds ug mga isyu bahin sa dili maipatin-aw nga bahandi.
Gipasabot ni Poa nga ang pagmarka sa mga dokumento dili nagpasabot nga gidawat sa depensa ang kamatuoran o pagkakatarunganon niini isip ebidensya.
Ang tumong lang sa proseso mao ang hapsay nga pagtino ug paghinumdom sa matag dokumento inig sugod na sa mismong paglilitis.
Naglaum ang duha ka panig nga mahuman dayon ang pre-trial aron makab-ot ang igo nga panahon sa pagpangandam alang sa impeachment trial.
Ang impeachment trial ni Sara Duterte nakatakdang magsugod sa Hulyo 6, diin ang Senado ang molihok isip impeachment court.
