Puro mga pagdayeg ang nadawat ni Presidente Ferdinand Marcos Jr gikan kang United States Secretary of State Marco Rubio.
Si Rubio ug Marcos nagkahinabiay human siya mitambong sa Association of Southeast Asian Nation (ASEAN) Post-Ministerial Conference with the United States sa Philippine International Convention Center (PICC), Pasay City, Manila kagahapon.
Gipadayag ni Rubio ang lig-on nga suporta ug paghatag sa taas nga bili sa gobyerno sa Estados Unidos ngadto sa Pilipinas.
Gibutyag sa kalihim nga dugay ug lawom na ang relasyon sa duha ka nasud busa taas ang kumpiyansa sa Amerika sa dugang kalamboan nga makab-ot sa Pilipinas rehiyon.
Dugtong niini miingon si Rubio nga taas kaayo ang pangalpas ni United States President Donald Trump kang Marcos.-
