Gipaniguro ni Presidente Ferdinand Marcos Jr nga ipadayon sa gobyerno ang dredging sa suba ug mga paglimpyo sa kanal aron matabangan ang pagkunhod sa baha sa nasud.
Gihimo sa presidente ang pahayag human pisikal niyang gihiling ang mga lugar nga wala pa mihubas ang tubig baha. Kaganina sa buntag, gisuroy ni Marcos ang Las Piñas City ug personal nga nasaksihan ang pagbaha.
Siya gikuyugan sa mga opisyales sa syudad ug sa kalihim sa Department of Public Works and Highways (DPWH).
Miingon si Marcos nga aron mas mopaspas ang pag-agas sa tubig-baha, partikular nga gihatagan sa dinaliang pagtagad ang pagkumpleto sa spillway project nga nahimutang sa syudad.
Gipasabot usab sa Presidente nga kinahanglang balikan ug tun-an pag-usab ang mga orihinal nga plano aron masiguro ang hapsay nga paghuman sa maong pasilidad.
Gawas sa pagpalambo sa mga imprastraktura, nanawagan usab ang Pangulo sa publiko ug sa mga lokal nga kagamhanan bahin sa hustong paglabay sa basura nga kasagaran maoy makatag sa mga sapa ug makapahinabo og maayong pagbaha
