Misaka ang Asian stocks karong adlawa human migawas ang taho sa kasabutan tali sa Iran ug Estados Unidos nga nagtumong sa pag-abli pag-usab sa Strait of Hormuz.
Tungod niini, mius-os ang presyo sa krudo og halos 4 porsyento usa ka kalambuan nga gilaumang makapahupay sa presyur sa inflation sa tibuok kalibutan.
Bisan pa niini, nagpabilin ang pag-amping sa mga investor. Gipunting sa merkado ang pipila ka wala pa matino nga mga detalye, ilabi na ang hisgot bahin sa posibleng ‘toll’ nga hugot nga gisalikway ni US President Donald Trump.
Wala pay kasigurohan kung mohunong na ba gyud ang panagsangka tali sa Israel ug Hezbollah, nga usa unta ka mahinungdanong kondisyon sa maong kasabutan.
Samtang nagpaabot sa pormal nga pirmahanay didto sa Switzerland karong Biyernes, padayong bantayan sa merkado ang matag lihok niining sitwasyon nga puno pa sa daghang pangutana
