Nakahatag sa dakong kalipay kang House private prosecutor Atty. Lorna Kapunan ang nahimong resulta sa pre-trial conference alang sa nagpadayong impeachment case human malampusong nagkasabot ang duha ka kampo.
Gawas sa pipila ka teknikal nga detalye nga kinahanglan pang susihon pag-usab, misugot ang kampo sa depensa nga markahan isip ebidensya ang kontrobersyal nga BIR box.
Sa gipagawas nga pre-trial order, pormal nga gilista sa House prosecution ang ilang 57 ka testigo samtang dili mominus sa 20 ka testigo usab ang iatubang sa depensa para sa umaabot nga paglilitis karong Hulyo 6.
Sumala pa ni Kapunan, gisumite ang maong listahan tulo ka adlaw sa dili pa ang husay aron malikayan ang kalit nga pagtumaw sa mga giingong ‘surprise witness’, ug ang unang sugaton nga mga testigo magtutok sa artikulo sa impeachment bahin sa ‘grave threats’.
