Gipangutana sa prosecution ang lain-laing eksplikasyon sa Office of the Vice President (OVP) sa paggamit sa confidential funds ni Vice President Sara Duterte atol sa impeachment trial.
Gipadayag ni Atty. Mae Divinagracia nga nagkadaiya ang rason nga gisulti sa OVP, sama sa Good Governance Program, socio-economic programs, ug surveillance activities.
Giangkon usab ni OVP Assistant Secretary Lemuel Ortonio nga adunay upat ka magkalahing pagpasabot alang sa parehong pundo. Tungod niini, gitumbok ni Divinagracia nga ang maong pagpabago-bago sa rason mahimong pagpamakak o usa ka maniobra.
Samtang nagpadayon ang husay, gipahinumduman ni Senate Impeachment Court Presiding Officer Francis “Chiz” Escudero ang matag panig nga mag-amping sa paggamit og bug-at nga mga pulong sulod sa korte.
