Gibutyag sa House prosecution panel nga bisan gusto nilang mapadali ang impeachment trial, dili nila isakripisyo ang maampingong pagpresentar sa mga ebidensya ug testimonya.
Matud ni House Prosecution Legal Spokesperson Atty. Benjamin “Jay” Tolosa Jr., ang mga natanggong pagdungog sa Senado tungod sa mga wala damhang pag-ulan ug dili maayong panahon nga nasinati bag-ohay lang.
Bisan pa niini, padayon ang ilang paningkamot nga mapadali ang proseso pinaagi sa paggamit og epektibong mga estratehiya sa nahibiling mga pagdungog.
Isip kabahin niini, gipadayag ni Tolosa nga nakadesisyon ang prosecution panel nga dili na ipatawag ang kapin sa katunga sa ilang orihinal nga mga testigo.
Human makapresentar og tulo ka saksi alang sa mga kaso nga may kalabotan sa grave threats, nakadesisyon ang prosecution nga tapuson na ang maong bahin sa pagdungog human makitang igo na ang mga ebidensyang ilang napresentar (jane abulag)
