Ipamugos sa prosecution panel sa umaabot nga oral arguments karong Lunes ang gahom sa Senate Impeachment Court nga mag-isyu og subpoena alang sa mga dokumento gikan sa Bureau of Internal Revenue (BIR) ug Anti-Money Laundering Council (AMLC).
Gipahayag ni Rep. Terry Ridon nga mamahimong susihon sa korte ang mga records sa BIR bisan og walay pag-uyon gikan sa Presidente sa nasod.
Gitataw usab niya nga gipahimutang sa Bank Secrecy Law ang impeachment proceedings isip usa ka exception, hinungdan nga walay babag sa pagkuha sa bank records sa magtiayong Duterte-Carpio.
Gisiguro ni Ridon nga ang maong lakang subay sa mandato sa korte alang sa tulubagon ug transparency sa nagpadayong impeachment trial.
