Gipadayag sa House Prosecution Panel nga napalig-on na ang pundasyon sa Article 1 sa impeachment trial batok kang Vice President Sara Duterte pinaagi sa presentasyon sa mga inisyal nga ebidensya ug testimonya sa mga saksi.
Gipasabot ni House Prosecution Panel Spokesperson Rep. Renee Co nga, sumala sa ruling sa Commission on Audit (COA), adunay mga paggasto sa confidential ug intelligence funds sa Office of the Vice President ug Department of Education nga giingong dili husto.
Gipresentar usab sa mga opisyal sa Land Bank ang ilang testimonya kabahin sa pag-disburse sa mga tseke nga gigamit sa pagkuha sa confidential ug intelligence funds sa OVP sa ika-upat nga kwarter sa 2022, ug sa OVP ug DepEd gikan sa una hangtod sa ikatulong kwarter sa 2023. (jane abulag)
