Giawhag ni Tingog Partylist Representative Jude Acidre ang tibuok nasud nga mogahin sa panahon sa pagpaminaw ug pagsubay sa padayong proseso sa pagpanubag sa kagamhanan, ilabe na sa nagpadayong impeachment hearing ni Vice President Sara Duterte.
Gitataw ni Acidre nga ang maong lakang dili bahin sa usa ra ka tawo o sa Bise Presidente lamang, kon dili usa ka pagpahugot sa tulubagon sa tanang opisyal sa gobyerno.
Gipasabot sa magbabalaod nga ang ang mismong demokrasya sa nasud ang gisulay sa karon nga proseso, diin gipamatud-an nga walay bisan kinsang labing taas nga opisyal ang gawas sa balaod kay sila kinahanglan manunbag isip “accountable official”.
Aron mapanalipdan ang demokrasya, gikinahanglan ang direktang paglambigit sa katawhan pinaagi sa pagdawat sa “well informed” nga impormasyon samtang nagsubay sa mga proceedings.
Alang kang Acidre, ang timaan demokrasya nagdepende sa katakus sa katawhan nga makasabot ug magmatngon sa pagpatuman sa hustisya ug maayong pagdumala.
