Gipasidunggan ni Head of the Public Information Office of the Philippine National Police (PNP) Police Colonel Allen Rae Co ang usa ka pulis nga namatay didto sa siyudad sa Cadiz samtang galuwas og mga tawo atol sa nahitabong bagyo.
Ang gipasidunggang pulis kay si Police Master Sargeant Fernando Marfa Jr. nga namatay human malumos samtang galuwas og duha ka tawo atol sa bagyo didto sa Baranggay Luna nga nahimutang sa siyudad sa Cadiz.
Dugang niya, ang duha ka indibidwal nga gisulayan og luwas sa maong pulis nga nalumos kay nakaluwas ug nakabalik napud nagdto sa ilahang mga pamilya.
Dugtong niini, gipaabot usab ni Colonel Co ang pahasubo sa tibook ahensya sa PNP ngadto sa pamilya sa maong pulis ug naghatag pud kini og pasalig nga giproseso na sa ahensya ang mga benepisyo nga madawat sa pamilya. (RANIEL MAHUNYAG)
