Ma-initon nga gisugat ug gitimbaya ni Russian President Vladimir Putin si Presidente Ferdinand Marcos Jr kauban ang delegasyon sa Pilipinas sa ilang pagpulong sa sidelines sa ASEAN–Russia Commemorative Summit nga gisugdan ning kagahapong adlawa didto sa Kazan, Russia.
Gipasidunggan ni Putin ang naglabay nga Adlaw sa Kaugalignan sa Pilipinas, niadtong Hunyo 12 kay nadungan usab kini sa ilang selebrasyon sa Day of Russia.
Ning tuiga, giila sa Moscow Government ang ika-50 anibersaryo sa diplomatikong relasyon sa duha ka nasud. Gani, gibalik-lantaw pa ni Putin ang bisita sa iyang amahan nga si kanhi Ferdinand Marcos Sr., sa Moscow niadtong 1976 nga nagmugna sa “interstate relations” tali sa Pilipinas ug Russia.
Gitapos ni Putin ang iyang welcome message pinaagi sa pag-ila sa lig-on nga kooperasyon ug trade relation sa Pilipinas ug Russia nga milapas sa $1.5 bilyon ug ang potensyal nga kinitaan sa agrikultura ug sektor sa enerhiya.
