CAGAYAN DE ORO CITY, Philippines – Miresbak si New York State – Governor Kathy Hochul sa pamahayag sa komedyante nga si Tony Hinchcliffe nga pulos mga basura ang namuyo sa Puerto Rico.
Gikastigo sa gobernador ang pamahayag sa komedyante ug namugos nga dunay limitasyon sa freedom of speech, ug sa mismong trabaho sa usa ka komedyante.
Wala angayi ni Hochul ang pagbi-ay bi-ay ni Hinchcliffe sa mga Puerto Rican, lakip na kadtong mga naka-abot sa Amerika ug nagpuyo sa taas nga dekada.
Unang mi-angkon ang gobernador nga gi-representar niya ang milyones nga ihap sa mga Puerto Rican Immigrants nga hapsay nga namuyo ug milambo ang kinabuhi sa Estadus Unidos.
Dili madawat ni Hochul ang pagtawag kanila’g mga basura.
Busa sa iyang pagtambong sa rally ni Kamala Harris, iyang gihangyo ang mga botante nga likayan ang mga tawong kusog mubi-ay biay sa mga immigrante ug mga tawong walay pagtahud sa ubang kaliwatan nga naningkamot mabuhi sa Amerika.
