Gikompirmar ni Ben Ranque, Founding Convenor sa Masa Para sa Duterte Alliance (MASADA) nga wala sila midayon sa pagtambong sa white ribbon rally, didto sa EDSA Shrine, niadtong Domingo.
Sa usa ka eksklusibong pakighinabi, gibutyag ni Ranque, ang kalit nga pag-atras sa ilang grupo gikan sa usa ka dakong pundok human matod pa makuha ang usa ka kritikal nga impormasyon.
Gibutyag ni Ranque nga nakadawat sila sa report gikan sa ilang intelligence nga plano diay nga dili na i-apil ang mga tigpaluyo sa DDS sa kalihokan tungod kay kontrolado na kini sa mga komunistang grupo lakip na ang pipila ka pari.
Siya namugos nga gipadayag na sa maong pundok ang ilang matuod nga tumong, ug dili kini para sa pagkahi-usa apan, bunga ra gihapon sa ilang personal nga interes.
