Wala na maka-abot sa piliay ang re-electionist nga mayor sa Rizal, Cagayan human kini gipamusil samtang nangampanya sa Barangay Iluru Sur, Rizal pasado alas-9 sa gabi, kagabie.
Giila ang biktima nga si Mayor Atty. Joel Ruma.
Lakip sa nakabsan ang duha ka eskorte o close-in-aide sa mayor.
Subay sa inisyal nga report, nahitabo ang pagluthang kang Ruma dihang nakig-picture taking sa mga residente sa maong lugar.
Dinalian kining gidala sa hospital apan gideklarar kini sa mga doktor nga dead-on-arrival. Wala pay ma-establishar nga identidad sa mga suspek ang mi-imbestigar nga mga kapulisan.
