CAGAYAN DE ORO CITY – Gipabuhian sa piskalya ang 11 ka tawo nga nadakpan sa kapolisan tungod pagpalusot sa 8-mil kilos nga giant clams o taklubo diha sa Brgy Lumbia sa syudad.
Kini human wala makumbinsir ang piskalya sa mga dokumento nga naduso sa PNP ug BFAR-10 sa kasong gipasaka batok sa mga suspetsado.
Miingon si City Mobile Force Batallion commander Lt Col Alexy Sonido nga temporaryong gibuhian ang mga suspek samtang gipalig-on ang kaso nga pagsupak sa Philipppine Fisheries Code of 1998 batok kanila.
Kabahin sa nadakpan sila si Diosdado Abellana,29 anyos na taga-Brgy Mambuaya sa syudad;Ronel Pilarca,30 anyos;Christhoper Pornia,28 anyos gikan sa Quezon nga pulos taga-Bukidnon;Ricky Sunogan,50;Larry Salvan,45;Arnel Sanchez,49;Peterson Suan,55;Ricky Allones,35;Jed Ragmac,29;Ramil Villagracia,19 ug Michael Paler,24 nga gikan sa Misamis Oriental.
