CAGAYAN DE ORO CITY – (update) Ipatawag sa City Regulatory Complaint Board ang tanan tagdumala sa mga hotel, motel, lodging houses ug mga resorts sa syudad sunod semana.
Nunot kini sa ilang pagpaningkamot nga mahimong compliant ang tanan patigayon sa syudad.
Gitin-aw ni Atty Egay Uy, ang chairman sa RCB nga gidili nila ang mga menor de edad nga mu-trabaho ug musulod sa mga patigayon ilabe na sa mga balay kahilayan, kay mahimo silang makasuhan batok Child abuse, child labor ug human trafficking.
Hisayran nga kasagaran mabiktima sa human traffickers ang mga menor de edad. Una niini, dili na gusto sa RCB nga masubli pa ang nahitabong pagrescue sa mga menor de edad sulod sa Marco Hotel nga diriyot makonsumo sa mga Chinese Nationals nga mga human Traffickers.
