Nagpabiling malinawon ang relasyon tali sa Pilipinas ug Vietnam bisan pa managsamang pag-angkon sa teritoryo sa Kalayaan Islands sa West Philippine Sea.
Gibutyag ni Naval Task Force 42 Commander Col. Joel Bonavente nga adunay regular nga koordinasyon tali sa mga sundalo sa duha ka nasud, ilabina sa Parola ug Pugad Islands, nga duol ra ang lokasyon sa matag usag usa.
Ang koordinasyon naglakip sa pulihanay pagbisita, diin ang mga sundalo sa Pilipinas ug Vietnam magpahigayon sa friendly exchanges, pagpangita sa common ground, ug pagpalig-on sa diplomatic ties aron malikayan ang tensyon sa rehiyon.
Sa bag-ohay nga operasyon sa Armed Forces of the Philippines (AFP), mipakita sa importansya sa presensya sa militar sa Kalayaan Island Group (KIG), nga naglakip sa maritime patrols ug ground operations sa Likas Island niadtong Hunyo 5, 2025.
Ang maong mga kalihokan nagpakita sa padayon nga paningkamot sa Pilipinas sa pagpatuman sa sovereign rights ug pagpalig-on sa regional stability.
Namugos ang AFP nga ang pagpabilin sa malinawon nga relasyon tali sa mga silingang nasud sama sa Vietnam usa ka kritikal nga estratehiya aron malikayan ang escalation sa tensyon ug masiguro ang kalinaw ug seguridad sa West Philippine Sea.
