Gipasigarbo ni Ombudsman Jesus Crispin ‘Boying’ Remulla sa Southeast Asian Ombudsman Forum Full Members Meeting 2026 ang kampanya sa iyang buhatan batok sa korapsyon.
Gihatagan sa gibug-aton sa opisyal ang seryosong imbestigasyon nga gihimo karon sa gobyerno kalabot sa mga flood control infrastructure projects sa nasod.
Subay sa iyang report, misaka ngadto sa 209 ka mga reklamo ang gipaubos sa fact-finding investigation karong tuiga, kon itandi sa 124 lamang ka kaso niadtong tuig 2025.
Gawas niini, aduna nay upat ka pormal nga kaso ang malampusong napasaka na ngadto sa korte batok sa mga sad-an.
Maatod ni Remulla, ang maong lakang gikinahanglan aron mapalig-on ang pagsalig sa publiko ug mapanalipdan ang pundo sa katawhan pinaagi sa patas ug independente nga pagpangulo. (RIZA BUDLAO)
