Gipadayag si Tingog Party-list Representative Jude Acidre nga wala pay mga kongresista nga mibawi sa ilang suporta kang House Speaker Faustino “Bojie” Dy sukad sa pagsugod sa Second Regular Session sa 20th Congress.
Matod niya, nagpabiling lig-on ang suporta sa House leadership ug wala usab mausab ang policy direction sa lower house bisan pa sa pahayag ni Pangulong Ferdinand Marcos Jr. nga adunay mga kasong gikatakdang isang-at batok sa kanhing Speaker Martin Romualdez.
Giingon ni Acidre nga ang mga magbabalaod nagpadayon sa pagsalig sa hustisya ug gipasagdan ang Ombudsman ug ubang ahensya sa gobyerno sa pagdumala sa proseso base sa ebidensiya.
Dugang niya, nagpadayon ang House of Representatives sa pagpatuman sa legislative agenda sa administrasyong Marcos, lakip ang mga reporma sa buhis, sektor sa kuryente, edukasyon, healthcare, ug uban pang mga prayoridad.
