Gihagit ni Palace Press Officer Usec. Claire Castro si Congressman Edgar Erice nga magpagawas ug lig-ong ebidensiya bahin sa iyang mga alegasyon sa giingong korupsiyon sa flood control ug pagkolekta sa basura.
Sumala kay Castro, dili usab angay nga magbase sa puros teorya ug intriga ang mga pamahayag, ilabi na kon adunay nahibal-an nga posibleng katiwalian sa gobyerno. Busa, gipahinumdoman niya si Erice nga mas maayong idulog ug ipasa ang maong mga ebidensiya sa mga kinauukulang ahensya sa kasugoan.
Gihimakak usab sa opisyal ang giingon ni Erice nga dili kayang ipakulong sa Pangulo si dating Speaker Martin Romualdez. Gipatin-aw ni Castro nga walay bisan unsang basihan ang maong mga pahayag sanglit dili man direktang nakig-estorya o nakig-istorya si Erice sa Pangulo.
Busa, gipahinumdoman sa Malacañang ang tanan nga likayan ang pagpaambit sa mga dili beripikadong balita aron dili makalibog sa publiko.
