Nanawagan sa pag-ampo si Representative Gerville Luistro samtang nagkaduol na ang impeachment trial batok kang Bise Presidente Sara Duterte.
Atol sa usa ka misa kaganiha, gipadayag ni Luistro nga dakong dungog ang pagbarog alang sa kamatuoran ug pagpanalipod sa interes sa katawhang Pilipino.
Matod niya, bisan pa sa ilang mga limitasyon ug kakulangan isip mga tawo, maningkamot sila sa pagtuman sa ilang mandato subay sa Konstitusyon.
Samtang nagpadayon ang mga preparasyon, pormal na nga gisumiter sa mga prosecutor ang listahan sa ilang mga testigo batok sa Bise Presidente.
Kini nga lakang nagpakita sa ilang seryosong paningkamot aron makab-ot ang hustisya ug tulubagon sa gobyerno.
