Gawas sa impeachment, nanawagan usab si Manny SD Lopez gikan sa People’s Constitutional Reform Initiative (PCRI) ang dinalian nga panginahanglan sa pag-usab sa Konstitusyon aron mapun-an ang mga probisyon nga mopakgang sa economic monopoly ug sa mga gitawag nga captured agencies sa nasod.
Sa iyang pakighabi sa Bombo Radyo Cagayan de Oro, iyang gipasabut nga ang maong mga lakang dako ang ikatabang sa pagpabalik sa tiunay nga kompetisyon sa merkado nga makahatag og kaayohan sa kinatibuk-ang publiko.
Gawas niini, gipakusgan usab sa ilang gisugyot nga reporma ang mga korte ug ang mga balaod batok sa korapsyon aron masiguro ang transparency sa tibuok kagamhanan.
Tumong sa PCRI nga hingpit nga mapatuman ang propesyonalismo dili lang sa burukrasya, kondili lakip na usab sa lehislatura ug ehekutibong sanga sa gobyerno aron mas mapalambo ang serbisyo sa katawhan
