Gisupak sa mga resident sa Ohio ang plano sa Meta nga magtukod sa kaugalingong planta sa kuryente aron masuplayan ang ilang data center sa Bowling Green.
Sumala sa mga residente, wala sila mahatagi sa igo nga impormasyon bahin sa proyekto ug nabalaka sila nga gipaspasan ang pagproseso sa mga permit nga wala maagi sa husto nga konsultasyon sa publiko.
Nabalaka usab ang mga molupyo sa posibleng epekto niini sa kalidad sa hangin ug sa PALIBOT tungod kay natural gas ang gamiton sa planta.
Ang maong kontrobersiya nagpakita sa nagkadakong tensyon tali sa mga komunidad ug dagkong kompanya sa teknolohiya nga nagpalapad sa ilang mga pasilidad aron masuportahan ang ilang AI o artificial intelligence operations.
Sa pagkakaron, nagpadayon ang panawagan sa mga residente alang sa mas bukas, patas, ug transparent nga proseso sa pag-apruba sa maong proyekto.
