Gisalikway sa mga botante sa Switzerland pinaagi sa usa ka referendum ang proposal nga limitahan ang populasyon sa nasod ngadto sa 10 milyon sa dili pa ang tuig 2050.
Subay sa preliminary projection, 55 porsiyento sa mga botante ang miboto og “kontra” batok sa 45 porsiyento nga miboto og “pabor.”
Nahadlok ang mga magpapatigayon nga kung mapatuman ang maong limitasyon, maputol ang kasabutan sa “free movement of labour” tali sa Switzerland ug sa European Union (EU) nga ilang nag-unang kauban sa negosyo.
Gawas sa kabalaka sa ekonomiya, nabalaka usab ang katawhan nga basin magkahuwang ang mga trabahante sa healthcare ug pag-atiman sa mga tigulang.
pagkakaron, moabot na sa 9.1 milyon ang populasyon sa Switzerland, diin hapit 28 porsiyento niini mga langyaw. (riza budlao)
