CAGAYAN DE ORO CITY-Nabalik na ang water supply sa apektadong 20-mil ka pinuy-anan sa western side sa syudad ug Opol,Misamis Oriental kagabii.Kini human ang dul-ag duha ka semana nga pag-antos sa 45-mil ka pamilya nga wala mahatagi’g suplay sa tubig sa Cagayan de Oro Water District o COWD.
Miingon si Engr Joffrey Hapitan,senior vice president for operations sa Rio Verde Consortiom nga kapin 43-mil ka cubic meters sa tubig ang ilang na-release sa COWD epektibo kagabii.
Kini isip tubag sa nawala nga suplay sa tubig epekto sa naguba nga main pipe line gumikan sa giingong pagtay-og sa linog sa syudad sa miaging bulan.
Samtang ipatawag pagbalik sa city council ang kadagkuan sa COWD ug Rio Verde sa syudad ning semanaha.
Kini aron ipa-esplikar kon nganong pakyas pagtuman sa ilang gisaad nga makabalik ang normal nga suplay sa tubig sulod sa napulo ka adlaw.
Gibutyag ni Kag Bong Lao,chairman sa public utility sa konseho nga tuyo nila masayran kon unsa’y mas epektibo nga buhaton sa COWD aron dili na mautro ang pag-antos sa katawhan.
Una niini,nakasaway si Lao sa dili pagka-preparado sa COWD kon moabot ang panahon sa emerhensiya.
