Gitahod ni kanhi House Speaker ug Leyte Representative Ferdinand Martin G. Romualdez ang giluwatang pahayag ni Presidente Ferdinand Marcos Jr., nga siya nalambigit sa pagbahin-bahin sa pondo sa flood control projects sa Department of Public Works and Highways (DPWH).
Taliwala nga nakapahagba kini sa iyang pagbati, ug kasakit sa iyang pamilya, iyang gitin-aw nga andam siyang mupamatuod sa iyang pagka-inosente gamit ang legal nga proseso sa balaod.
Sa iyang opisyal nga press statement iyang gitin-aw nga wala gayod siya sukad nangayo sa bisan unsang pabor o espesyal nga pagtratar gikan sa pangulo taliwala sa maong kontrobersya.
Una niini, pulos mibati sa pagsubo sila Presidente Marcos, kapikas nga si First Lady Liza Araneta dihang gibatbat sa unahan nga bahin sa iyang State of the Nation Address (SONA) ang dugay nang gipangayong resulta sa katawhan kalabot sa imbestigasyon sa corruption scandal sa mga proyekto sa DPWH.
