“Romualdez pa rin”, Kini ang tubag ni House Senior Deputy Speaker Aurelio Gonzales Jr sa taas nga tsansa nga mapili subli isip Speaker of the House si Leyte 1st District Representative Martin Romualdez.
Sa interview sa Bombo Radyo namugos si Gonzales nga halos 80% sa mga midaug nga mga kongresista, gisuportahan ni Romualdez sa milabay’ng Midterm Elections.
Kini ang rason nga 100% nga magpabiling isip Speaker sa 20th Congress ang ig-agaw ni Presidente Bongbong Marcos.
Gibasura ni Gonzales ang pahayag ni Deputy Speaker Duke Frasco, nga nag-ingon nga adunay dibisyon sa Kamarabaha tungod sa pamunoan ni Romualdez.
Una nang gipamugos ni Gonzales nga malinawon ang kamarabaha gumikan sa iyang liderato ug wala silay plano nga hulipan kini.
Mahinumduman nga mga opposition congressmen una nang nagpadayag nga laraw nilang mahimong sunod nga speak si Davao City Representative Paolo Duterte.
Gikataw-an lamang ni Gonzales ang gi-ingong hilaw nga mga tinguha sa oposisyon tungod kay 285 ka kongresista na ang mipirma sa manifesto of support alang kang Romualdez, nga nagrepresentar sa kapin two-thirds sa 317 ka miyembro sa Kamara.
