Nag-atubang na sa seryosong hulga sa ekonomiya ang padayong pagsaka sa presyo sa lana ning semanaha.
Sa exclusive interview sa BOMBO RADYO kang Manny Lopez, Lead Convenor sa Peoples Constitutionl Reform Initiative (PCRI), iyang gibutyag nga mubati na sa sobra ka sakit sa bulsa sa mga negosyante nga gapamaligya tungod kay mapugos sila sa pagdawat sa gamay nga kinitaan bisan nagsaka pa sa kapin 160 pesos per litro ang krudo nga maoy gigamit nila sa logistic sa ilang baligya.
Gawas niini, gi-awhag ni Lopez ang mga economic managers ni Presidente Ferdinand Marcos nga mupalit sa mas barato nga lana gikan sa Vladivostoc, Russia nga dili na kinahanglan muagi sa Strait of Hormuz ug bisan sa Northern Amerika, ug sa mga silingang nasud sa Asia.
Nagtoo si Lopez nga nakapangayog tabang si Marcos sa mga ASEAN Leaders aron maalibyohan ang kalukang ug ka mahal sa presyo sa lana sa merkado sa Pilipinas.
