Gipaulanan subli sa Russia sa grabeng pagpangatake ang Ukraine nga miresulta sa pagkamatay sa labing minus napulo ka tawo sa tibuok nasod, lakip na ang pipila ka mga emergency responders didto sa siyudad sa Kharkiv.
Gawas sa mga nakalas, dako usab nga kadaot ang nadangatan sa 1,000 ka tuig nga Pechersk Lavra monastery sa Kyiv, usa ka UNESCO World Heritage site, human kini masunog tungod sa maong pagpamomba.
Si Presidente Volodymyr Zelenskiy personal nga mibisita sa maong dapit ug iyang gikondena ang maong hitabo isip usa sa pinakagrabereng krimen sa Russia batok sa Kristohanong kultura.
Samtang nagpadayon ang kalayo sa balaang estruktura, napugos usab ang mga residente sa Kyiv sa pagtago sa ilawom sa yuta aron maluwas ang ilang mga kinabuhi.
Hugot nga gihimakak sa Russia ang maong pasangil ug miingon nga usa ka missile sa defense system sa Ukraine ang nakaigo sa monasteryo. (riza budlao)
