Miligid na ang imbestigasyon sa US health authorities sa outbreak sa Salmonella tungod sa pagkonsumo sa jalapeño peppers nga gikan sa Sinaloa, Mexico. SUBAY sa ulahing report misaka pa sa 345 ka tawo ang naigo sa sakit, gikan sa 27 ka estado.
Miingon ang Centers for Disease Control and Prevention (CDC) ug Food and Drug Administration (FDA) nga kasamtangang nagpabilin ang 36 ka tawo sa balay-tambalanan, ug hinoon walay natalang namatay.
Subay sa inisyal nga report, ang jalapeño o dagkung klase sa sili nga gisagol ug gisupplay sa Coast Citrus Distributors ang tinubdan sa kagaw human kini nadawat sa pipila ka mga restawran lakip ang Chipotle ug QDOBA. – (riza budlao)
