Giklaro sa Sandiganbayan nga ang pagpagawas sa arrest warrant batok kang Senador Rodante Marcoleta tungod sa kasong plunder wala nagpasabot nga awtomatiko na kining sad-an.
Sumala ni Associate Justice Karl Miranda, Chairperson sa Sandiganbayan 3rd division nga nakitaan lang og probable cause ang korte aron ipadayon ang kaso, apan nagpabilin gihapon ang presumption of innocence o ang pag-ila nga inosente ang akusado hangtod dili mapamatud-an ang sala niini.
Mahibaloan nga nadetinar karon sa New Quezon City Jail ang iyang mga kauban nga silang kanhi Rep. Mike Defensor, Joseph Espiritu, ug Aristotle Viray, samtang si Marcoleta anaa karon sa PNP General Hospital tungod sa giingong pagsakit sa dughan ug taas nga alta presyon.
Tungod niini, mihangyo si Associate Justice Karl Miranda sa tanang partido ug sa publiko nga respetohon ang proseso sa hustisya ug saligan ang hudikatura samtang nagpadayon ang kaso.
