Misang-at sa dugang petisyon ang Save Bangsamoro Movement karong adlawa ngadto sa Korte Suprema aron ideklarar nga unconstitutional ang Local Government Support Fund (LGSF) sa BARMM.
Matod sa grupo, gihimo kining pondo nga makinarya sa politika aron pugson ang mga mayor ug uban pang opisyal sa lokal nga panggamhanan nga mopili sa partido sa administrasyon.
Gipahayag sa tigpamaba sa grupo nga kadtong dili mopiling moduyog sa maong partido ang mawad-an og access sa mga proyekto ug financial assistance.
Gihangyo usab sa mga nagprotesta nga aksyunan sa hukuman ang maong isyu tungod kay giingong gigamit kini alang sa umabotay nga eleksyon. (RIZA BUDLAO)
