Gikondena sa Student Council Alliance of the Philippines (SCAP), uban ang nagkadaiyang student councils ug Supreme Secondary Learner Governments (SSLG), ang tanang matang sa pagpanlupig sulod sa mga tulunghaan sa nasod.
Nanawagan si Matthew Christian R. Silverio og dinaliang aksyon gikan sa kagamhanan nunot sa mga trahedyang nahitabo niadtong Hunyo 23.
Isip pagpakita sa ilang baruganan, nagpahigayon ang grupo og candle-lighting vigil sa buhatan sa Commission on Human Rights (CHR), nga ilang giila nga usa sa mga institusyong angay dangpan sa pagpangita og hustisya.
Gawas sa pagpadayag sa ilang hugot nga pagsupak sa maong mga insidente, gipaabot usab sa organisasyon ang ilang kinasingkasing nga pakikiramay ngadto sa mga pamilya sa mga biktima.
Kini nga kalihokan usa ka pamatuod sa ilang dedikasyon sa pagpanalipod sa katungod sa mga estudyante ug sa pagduso og mas luwas nga palibot sa edukasyon. (jane abulag)
