Gibutyag ni U.S. President Donald Trump nga sekretong gibalhin siya sa laing eroplano human sa NATO summit sa Ankara, Turkey niadtong miaging bulan, ubos sa direksyon sa U.S. Secret Service tungod sa hulga sa iyang seguridad.
Gikan sa Air Force One, gibalhin si Trump ngadto sa usa ka mas gamay nga military aircraft pinaagi sa usa ka airport catering truck isip kabahin sa operasyon aron itago ang iyang tinuod nga biyahe.
Giingong ang mga tigbalita ug pipila ka personnel sa White House nagpabilin sa karaang Air Force One, nga gigamit isip decoy o panglimbong aron dili matino kung asa gyud sakay ang maong Presidente.
Bisan pa sa maong security measure, ang eroplano nga iyang gisakyan sa sekretong pagbiyahe mahimong mas dako pa hinuon og risgo kaysa sa Air Force One. (riza budlao)
