Gibatikos ni Senador Imee Marcos ang duha ka adlaw sa usa ka semana nga pagtrabaho sa mga kawani sa Department of Energy (DOE) bisan pa sa krisis sa enerhiya nga giatubang sa nasud.
Gipamugos ni Marcos nga ang DOE mao ang labing gikinahanglan nga ahensya karong krisis apan dawsama sa nagbakasyon ang mga kawani sa ahensya tungod kay duha ra ka adlaw mosulod hinungdan nga daghan usab ang nagreklamo nga mosulod sa opisina sa DOE aron magpapirma sa mga importante nga dokumento apan walay tawo.
Hinoon, gidepensa ni Energy Sec. Sharon Garin ang ilang adlaw sa pagtrabaho ug miingon nga bisan pa man sa duha ra ka adlaw ang onsite work week sa ahensya, dili sila gahunong sa trabaho.
Gani, namugos ang kalihim nga mas aktibo pa ang ilang ahensya sa pagkakaron human mapatuman ang hybrid nga set-up, ug gihimo gihapon ang ilang mga katungdanan
