Gipamugos ni Senador Imee Marcos nga ang special disbursing officer (SDO) lamang ang adunay tulubagon sa confidential funds ug wala nay apil pa si Vice President Sara Duterte.
Sumala ni Senador Marcos, ang presumption of misappropriation for personal use base sa joint circular kay mutumaw lamang batok sa accountable officer ug dili kini si VP sara kay dili siya ang nagkupot ug adunay kustodiya sa pondo.
Dugang pa niya, ang accountable officer kay ang mga SDO sa duha ka ahensya ubos sa pagdumala ni VP Sara, si Gina Acosta sa Office of the Vice President (OVP) ug si Edward Fajarda sa Department of Education (DepEd).
Apan wala miuyon si kanhi COA state Auditor Roderick Wamil ug matud pa niya, dili hingpit nga sakto ang pahayag ni Senador Marcos tungod kay ubos sa joint circular adunay tulubagon ang pangulo sa ahensya nga maoy gadumala niini ug dugang pa niya dili mahimong ilimit lamang ang pulong nga accountable officer sa SDO. (Raniel Mahunyag)
