Gikumpirmar ni Mariel Padilla nga padayong moserbisyo sa pulitika ang iyang kapikas nga si Senador Robin Padilla. Sukwahi kini sa unang hungihong nga plano na niining moretiro sa 2028 elections.
Sa usa ka podcast, gipasabot ni Mariel nga daghan pa’g adbokasiya ug misyon ang senador, ilabi na alang sa mga kaigsoonang Muslim ug mga Lumad nga nagsalig sa iyang tabang.
Iyang gitin-aw nga ang iyang unang pahayag nga “they don’t deserve him” gitumong lang ngadto sa mga kritiko nga sige’g daut ug mokuha sa mga pulong sa iyang bana nga gawas sa konteksto.
Mahinumduman nga una nang gipahayag si Senador Robin nga gusto na niyang mopahulay, apan gibawi niya kini ug miingon nga andam gihapon siyang modagan bisan sa mas taas nga posisyon kon hangyoon ni kanhi Presidente Rodrigo Duterte.
