Gipaubos karon sa red alert sa United Nations ang kahimtang sa Afghanistan, diin tulo sa matag upat ka lungsoranon ang dili na makasarang sa ilang labing batakang panginahanglanon gumikan sa grabeng kakabos.
Kini nga krisis naggumikan sa nagpadayong kakuwang sa trabaho ug ang hingpit nga pagkahugno sa sistema sa panglawas, dungan sa paghubas sa mga international aid o mga hinabang nga kaniadto maoy nagsalbar sa minilyon ka kinabuhi.
Tungod sa maong desperadong sitwasyon, napugos na ang mga ginikanan sa paghimo og mga makalilisang nga desisyon alang lamang sa survival sa ilang pamilya.
Gani, daghan sa mga namatay gumikan sa gutom ug sakit ang wala na marehistro ug daling ginalubong nga walay opisyal nga dokumentasyon.
Luyo niining makasubo nga reyalidad, gikondena karon ang daw pagpabiling bungol sa tibuok kalibutan sa tiyabaw sa mga biktima. (jane abulag)
