Gisaka na sa gobyerno sa Estados Unidos ang kasong murder batok kang kanhi Cuban President Raul Castro, may kalabutan sa pagpabuto sa duha ka civilian aircraft niadtong tuig 1996.
Kini nga lakang giisip nga pinakabug-at nga aksyon sa administrasyong Trump aron bungkagon ug pitulon ang komunistang rehimen sa maong nasod.
Matud ni Acting Attorney General Todd Blanche, kinahanglan nang manubag si Castro sa kamatayon sa upat ka mga humanitarian volunteers nga gituyo pagpabuto gamit ang missiles samtang anaa sa international airspace.
Bisan pa man og giisip kining dako nga kadaugan alang sa pamilya sa mga biktima, dako gihapon nga hagit ang pagpapriso kaniya tungod kay walay extradition treaty ang Cuba ug Amerika.
Tungod niini, gilauman karon ang mas grabeng tensyon sa diplomasya sa duha ka nasod samtang daling gikondena sa Cuba ang maong sumbong. (JANE ABULAG)
