Gidason sa Akbayan Party-list ang sugyong balaodnon nga “Lived Identities and Recognition Act” o House Bill 9929, o mas naila isip “Sharmaine Bill,” isip kabahin sa paghinumdom sa Pride Month.
Gibutyag ni Akbayan Rep. Perci Cendaña nga tumong sa sugyot nga ilhon ang identidad sa mga transgender, intersex, ug non-binary nga mga Pilipino pinaagi sa mas sayon ug dali nga proseso aron matugma ang ilang legal nga ngalan ug gender marker sa ilang giila nga identidad.
Gisaysay ni Cendaña nga daghang trans ug intersex nga mga Pilipino ang nakasinati sa diskriminasyon tungod sa mga ngalan nga nakasulat sa ilang legal nga mga dokumento.
Pinaahgi sa SHAIRMAINE BILL mahimo nang usbon ang ngalan ug ubang detalye sa mga dokumento nga dili na kinahanglan moagi sa taas ug mahal nga proseso sa korte.
Apil usab sa panukala ang mga survivor sa gender-based violence ug child abuse nga gusto mag-ilis og ngalan alang sa ilang kaluwasan ug kaayohan.
