CAGAYAN DE ORO CITY – Hayan dunay ipatuman nga signal jamming sa linya sa komunikasyon nunot sa installation sa pagka-arsobispo ni Bishop Jose Cabantan sulod sa San Agustin Cathedral ning syudad ugmang adlawa.
Miingon si City Mayor Oscar Moreno nga gihulat niya ang rekomendasyon sa incident management team o IMT kon angay wad-an sa komunikasyon ang selebrasyon ilabina nga dunay suicide bombings nga natigayon didto sa Jolo,Sulu sa miaging Lunes.
Giklaro usab sa mayor nga walay signal jamming sa dakong bahin sa syudad sa pagsaulog sa kapistahan ugmang adlawa.
Si Cabantan ang mohulip isip ikalima nga arsobispo tungod sa pag-retiro na ni Cagayan de Oro Archbishop Antonio Ledesma kinsa kanhi usab nahimong bise-presidente sa Catholic Bishops Conference of the Philippines.
