Padayun nga nag-atubang sa tensyon ang mga residente sa Zone 1, Mambuaya, Cagayan de Oro City human makasinati sila og dili matarunganon nga demolisyon sa ilang lugar sa miaging adlaw.
Sumala ni Wilson Amad, usa ka katekista, plano karong ipahigayon sa grupo nga nagreklamo sa demolisyon ang pagpadangat og legal nga lihok ug dayalogo karong umaabot nga Huwebes.
Butyag niya nga gihangyo usab nga mahimong mediator sa maong panagtagbo ang simbahan aron masiguro nga patas ug walay gipaboran ang diskusyon kabahin sa ipahamtang nga demolisyon sa nasuta nga lugar.
Hisayran nga miresulta sa pagpagnilabayay og bato ang tensyon tali sa mga residente ug sa demolition team sa miaging adlaw, dihang gipugos sa demolition team ang pagsulod aron gubaon ang mga kabalayan sa maong dapit.
