CAGAYAN DE ORO CITY – Mipalanog na sa iyang baruganan ang simbahang Katolika pinaagi sa gilugwa nga pastor letter ni Lingayen-Dagupan Archbishop Socrates ‘Soc’ Villegas kabahin sa padayong pagpangharas nga gihimo sa China sa mga isla sa West Philippine Sea.
Kini human kabahin si Villegas sa mga arsobispong Katoliko nga na-alarma sa grabeng pagpanglutos nga hinimiuan sa China sukad sa taas nga panahon.
Namahayag ang arsobispo pinaagi sa pagbasa ni Most Reverend Msgr. Manuel Bravo Jr sa maong pastoral letter nga angayang manginlabot ang mga Kristiyanos isip simbahan kay maka-alarma ug mabutang sa kompromiso ang seguridad sa Pilipinas.
Kini ang hinungdan nga giaghat ni Villegas ang national government nga mobarog ug e-depensa ang kaugalingnan ug teritoryo sulod sa WPS.
Siya miingon nga wala sukad sa kasaysayan nga milampos ang puwersa sa tawo kaysa gahom nga naggikan sa kahitas-an.
Gipasabot sa arsobispo nga nagpabiling gamhanan ug epektibo pa gyud ang pag-ampo nga angay buhaton sa katawhan aron molampos ang pag-depensa sa seguridad sa katawha sa nasud.
Hisayrang pinakaulahi nga gihimo sa China ang pagbangga sa ilang Chinese Coast Guard vessels ngadto sa Philippine Navy forces diin halos napulo ka personahe niini ang samaron sa Ayungin Shoal sa miaging semana.
