CAGAYAN DE ORO CITY – Kasuhan sa Bureau of Customs o BoC sa pagsupak sa akta republika 9211 o regulating the packaging,use,sale,distribution and advertisements of tabacco ang mga utok sa pagpalusot sa 20 ka kahon nga sigarilyo sakay sa bangka sa baybayon sa Sitio Pimbawangan,Biosong,Picong,Lanao del Sur.
Kini sa oras nga matumbok na sa kapolisan ang mga sindikato nga nagpalusot sa maong kontrabando nga klaro nga kabahin sa smuggling activities dinhi sa Mindanao
Miingon si PRO-BARMM Director Brig Gen John Guyguyon nga gilayon nila gitugyan sa BoC ang mga kargamento alang sa imbentaryo ug kustodiya niini samtang padayong gipangita ang mga tawo nga utok sa ilegal nga kalihukan.
Gibana-banang anaa sa 450-mil pesos ang kantidad sa maong wala panganli nga sigarilyo nga tuyo ipalusot sa maong probinsya.
