ESTADOS UNIDOS – Napili ang American rapper nga si Snoop Dogg isip usa sa mga nagdala sa Olympic flame sa opening ceremony sa Paris Olympics karong Hulyo 26.
Dad-on sa sikat nga rapper ang kalayo padulong sa dalan sa Saint-Denis sa amihanang Paris diin mahimutang ang Olympic Stadium ug Aquatics.
Makauban ni Snoop sila French actress nga si Laetitia Casta, French rapper -MC Solaar ug Ukrainian retired pole-vaulter Sergey Bubka. Sa milabay nga duha ka bulan, ang mga suga sa Olympic mibalhin sa palibot sa France ug sa Biyernes sa buntag dad-on kini sa athletic village sa dili pa modiretso sa Olympic Stadium ug sa Aquatics Center.
Ang 52-anyos nga si Snoop Dogg natawo sa Los Angeles nga maoy sunod nga host sa Olympics sa 2028.(Bombo Anne Quileste).
