Hinay-hinay nang mibalik sa normal ang kasikas sa Seoul,South Korea.Nunot kini sa paglangkat ni South Korean President Yoon Suk Yeol sa gi-imposar nga martial law kagahapong adkawa.
Unang mitunga sa tanang telebisyon si Yoon aron pagpatuman ang deklarasyon, hinungdan nga napugos ang ilang puwersa militar nga sudlon ang ilang National Assembly House.
sa mensahe presidente ang pasangil nga gipakusog sa ilang oposisyon lawmakers ang mga lihok protesta aron lumpagon ang kasamtangang administrasyon.
Kini human sa kapin duha ka oras, gilayong mipatim-aw ni Yoon sa state-TV ug gi-anunsyo ang paglangkat sa martial law kuyog ang saad nga makigpulong sa iyang gabinete.
Kini aron hisgutan ang dakong kalapasan nga gihimo sa ilang opposition leaders, kinsa matud pa ni Yoon, misimpatiya sa gobyerno ni North Korean Supreme Leader Kim Jong Un.
Sa pagkutlo ning balita, misaka pa sa 190 magbabalaod sa South Korea ang mi-uyon nga ipa-impeach ang ilang presidente diin ang napulo niini,nagsumikad sa miyembro sa gabinete ni Yoon. (Bombo Anne Quileste).
