Sa pagsaulog sa Pride Month, gipasiugda ni Speaker Faustino “Bojie” G. Dy III ang kaisog sa pagpakita sa tinuod nga kaugalingon ug ang katungod sa matag usa nga mabuhi nga adunay dignidad, respeto, ug patas nga oportunidad.
Gipahinumdoman niya ang publiko nga bisan unsa pa ang atong gigikanan, tinuohan, o identidad, adunay luna ang matag usa sa katilingban.
Matud pa niya, walay bisan kinsa ang angay makasinati og diskriminasyon o pagpakaminos tungod sa ilang pagkatawo. Gipasabot usab ni Speaker Dy nga sa usa ka makatarunganon ug moderno nga nasud, ang pagrespeto sa dignidad sa tawo dili lamang alang sa pipila, kondili alang sa tanan.
Gihingusgan niya nga ang dignidad usa ka sukaranang katungod nga angay matagamtaman sa matag usa. (jane abulag)
